रूपईया अयला के बाद होतई काम

बिना सोलिंग के सड़क
बिना सोलिंग के सड़क

जिला सीतामढ़ी, प्रखण्ड रीगा, पंचायत,गांव रीगा प्रथम इमली बजार। उहां वार्ड नम्बर ग्यारह में सोलिंग न हई जेई कारण आवे-जाये में बहुत दिक्कत होई छई।
उहां के लीलावती देवी, सुमित्रा देवी, रामायण ठाकुर कहलथिन कि इ सड़क मेन सड़क से बहुत निच हई। जेई कारण लोग के निकले में दिक्कत होई छई। सुख-रूख में ओतना दिक्कत न होई छई। लेकिन तईको बरसा होई छई त थाल-कादो अउर पानी सड़क पर हो जाई छई। मुखिया के कहई छी त कहई छथिन कि बन जायत। लेकिन कहिया बनतई।
मुखिया उषा शर्मा के पति सुनिल शर्मा कहलथिन कि ऐई साल में उहां सोलिंग बन जतई। अभी चार पांच महिना से मनरेगा फण्ड में रूपईया मुखिया के खाता में न हई।
कार्यक्रम पदाधिकारी कृपाशंकर झा कहलथिन कि अभी सरकार के तरफ से ही रूपईया न आ रहल हई।     जब आ जतई त पंचायत में भेजल जतई।