रिबोर की मांग

d0hatra copyजिला महोबा, ब्लाक जैतपुर कस्बा कुलपहाड, मोहल्ला सोनीपूरा। एते आदर्श विद्यालय के सामने एक हैण्डपम्प लगो हे। जीसे गन्दा पानी निकरत हे ओर ओई हैण्डपम्प के पास भारतीय स्टेट बैंक भी है। जीमे रोज खा हजारन लोग आउत हें, पे पानी कि किल्लत होय के कारन लोग मजबूरी मे ओई हैण्डपम्प को गन्दा पानी पियत हें। एते के किसुन प्रसाद पत्रकार रिबोर करे की अपलीकेशन 7 जून को तहसील दिवस मा दई हे, पे कोनऊ सुनाई नइया।
किसुन प्रसाद हिमांसू, शिवकुमार ओर अशोक कहत कि अबे तक जा मुहल्ला मे जोन सफलाई हैण्डपम्प चलत हतो ऊखे पानी से सब कोऊ के घरन को निस्तार होत हतो। इ साल सूखा के कारन सप्लाई वालो पानी भी नहीं आवत हे। इसे हम परेशान रहत हे।
कुलपहाड़ जलकल विभाग के अभियन्ता एस. सी. चैहान कहत हे हमाए एते अपलीकेशन आओ हतो तो हमने जल निगम महोबा को भेज दओ हे।

रिपोर्टर – श्यामकली