रास्ता से भटकल लड़की

घरे पहूंचल गौतम कुमारी
घरे पहूंचल गौतम कुमारी

जिला सीतामढ़ी, प्रखण्ड रीगा, पंचायत,गांव भवदेपुर। उहां के गौतम कुमारी के उम्र अटठारह साल हई उ सुरसण्ड महाविद्यालय के विद्यार्थी छथिन। उ अपना माई के साथ 9 जुलाई 2014 के थावे धाम गेल रहथिन। त उ रास्ता से भटक गेल रहथिन। जेई कारण उनकर माता-पिता परेशान रहथिन।
उनकर माई अमिरकी देवी, पिता लक्ष्मी पासवान कहलथिन कि हमरा दु गो बेटी हय। जेईमें गौतम कुमारी जेठ हय। रिक्सा चलाके अपन परिवार चलबई छी। हम थावे गेल रही त उहां हमर बेटी रास्ता भटक गेल। गांव के कोई लोग साथ न देलक। तीन महिना खोज बीन करे में 25 हजार रूपईया खर्च होयल। लेकिन कहीं पता न चलल।
गैतम कुमारी कहलथिन कि हमरा गोपालगंज के महिला पुलिस अपना कब्जा में क लेलथिन अउर आगरा मानसिक शिक्षण संस्थान केन्द्र मुरादपुर में रख देलक। उहां हमरा बिमारी के कारण होश न रहलक। जब होश में अईली त माता-पिता के पास चिठ्ठी लिख के भेजली। त हमर बाबूजी ओई पता पर पहुचलथिन अउर हम आठ दिन पहिले अपना घरे अईली।