रास्ता मा पैदा भा बच्चा

ramnagarजिला चित्रकूट, ब्लाक रामनगर, गांव बांधी। हिंया के पूनम बताइस कि 15 अक्टूबर 2014 का रामनगर प्राथमिक स्वास्थ्य केन्द्र बच्चा पैदा करावैं गई रहौं। हुंवा के डाक्टर वहिका भर्ती नहीं करिन। यहै से वा केन्द्र से लउट आई अउर भौंरी गांव के लगे पूनम के रास्ता मा बच्चा पैदा होइगे।
गांव के पूनम कहिस प्राथमिक स्वास्थ्य केन्द्र मा औरत बच्चा पैदा करावैं जात हवैं कि हुंवा सुविधा मिली अउर नींक से देख भाल होइ, पै केन्द्र मा तौ कउनौ डाक्टर नींक से बात तक नहीं करत आहीं। बिना देखै अउर जांच कीने कहि देत हवैं कि केन्द्र मा बच्चा न पैदा होइ। यहिका हिंया से लइ जाव। यहै से मैं कर्वी सोनेपुर अस्पताल जात रहौं तौ रास्ता मा बच्चा पैदा होइगा। जबैकि सरकार बच्चा पैदा करैं वाली औरतन का हर सुविधा देत हवै। हिंया तौ सबै नाम खातिर हवै।
रामनगर प्राथमिक स्वास्थ्य केन्द्र के अधीक्षक रमाकान्त चैरिहा का कहब हवै कि मोहिका पूनम के बारे मा कउनौ जानकारी नहीं आय। अगर कउनौ ए.एन.एम. या डाक्टर इनतान करत हवै तौ मरीज शिकायत करैं। ए.एन.एम. अउर डाक्टर के खिलाफ कारवाही कीन जई।