राशन कार्ड खातिर आय डेढ़ सौ लोग

b darda chavni rashan cord 1जिला बांदा, ब्लाक बड़ोखर खुर्द, गांव कनवारा का मजरा दरदा छावनी। हेंया के लगभग डेढ़ सौ मड़ई दुई ट्रैक्टर मा आ के 5 जनवरी का तहसील दिवस मा डी.एम. का दरखास दिहिन। मांग करिन कि उनके हेंया राषन कार्ड बनवाये जाय।
दरखास दें मा षामिल गांव का चैकीदार षिवकरन समेत रजवा अउर सोनू का कहब है कि मजरा मा लगभग डेढ़ सौ परिवार रहत हैं। कउनौ के पास राषन कार्ड निहाय। सबै निषाद जाति के रहत हैं। सब्जी बेचैं अउर मछली पकड़ के कउनौतान गुजारा करित हन। हम अप्रैल मई 2015 मा राषन कार्ड खातिर फार्म आनलाइन करावा रहन। तीस रूपिया प्रति राषन कार्ड लाग रहै, पै उनका भी पता निहाय।
ए.डी.एम. डी.एस. पाण्डेय का कहब हवै कि चित्रकूट धाम मण्डल मा अब राष्टीय खाद्य सुरक्षा का नवा कानून लागू होइगा है। जेहिके तहत लाल अउर सफेद राषन कार्ड मा मड़इन का 3 रूपिया किलो चावल अउर 2 रूपिया किलो गेहूं दीन जई। जेहिके पास कउनौतान का राषन कार्ड निहाय अउर साथै वा राषन कार्ड पावै का पात्र है।
उनका प्रषासन कइत से नए राषन कार्ड बनै का सर्वे कीन जई। तबै दरदा छावनी मा भी जाचं अउर सर्वे करावा जई। सर्वे करै के बादी ही नए राशन कार्ड बन सकत हैं।