राशनकार्ड होने का बाद भी फैजाबाद के कनकपुर गांव में नहीं मिल रहा है राशन

जिला फैजाबाद, ब्लाक मया, गोशाईगंज स्टेशन फैजाबाद के कनकपुर गांव के मनइन के पास राशनकार्ड तौ बाय लकिन उनका राशन नाय मिलत बाय। अब आप सोचिहें की ई काहे तौ आपका बताय दी की पुराने कार्ड का बदल के ऑनलाइन नये राशनकार्ड के प्रक्रिया मा कइयो मनइन कै राशन कार्ड नाय बना। कइयो मनइन के सदस्य कै नाम राशन कार्ड से कटिगा। मनई परेशान अहैं कि सरकारी योजना हुवय के बाद भी हमरे सबका सस्ता राशन नाय मिलत बाय।जिला फैजाबाद, ब्लाक मया, गोशाईगंज स्टेशन फैजाबाद के कनकपुर गांव के मनइन के पास राशनकार्ड तौ बाय लकिन उनका राशन नाय मिलत बाय। अब आप सोचिहें की ई काहे तौ आपका बताय दी की पुराने कार्ड का बदल के ऑनलाइन नये राशनकार्ड के प्रक्रिया मा कइयो मनइन कै राशन कार्ड नाय बना। कइयो मनइन के सदस्य कै नाम राशन कार्ड से कटिगा। मनई परेशान अहैं कि सरकारी योजना हुवय के बाद भी हमरे सबका सस्ता राशन नाय मिलत बाय। मालती कै कहब बाय कि तीन बार ऑनलाइन करायन लकिन कार्ड नाय बना। बार-बार आवै जाय मा बहुत पैसा भी खर्च होय जाथै। काम ना हुवय से काफी दिक्कत हुआथै। जेतना बार ऑनलाइन प्रक्रिया आवाथै वतना पैसा लागाथै। शांति कै कहब बाय की ना अनाज मिलै न ही मिटटी कै तेल। जेकरे खेती बारी नाय बाय या कउनौ कमाई कै जरिया नाय बाय वका कउनौ सुबिधा नाय मिलत बाय।सरकार का चाही की एसेन मनई का सुबिधा दिये।  सूर्यभान सिंह कै कहब बाय की सरकार का चाही की हर गरीब का राशन कार्ड मुहैया करावै। जेका राशन कै जरुरत नाय बाय वका राशन मिलत बाय। गरीब इधर-उधर ऑनलाइन करावै के ताई भटकत अहैं। पुष्पा सिंह प्रधान कहब बाय कि पात्र मनई का अच्छे से ऑनलाइन करावै का चाही। यै सब  फार्म भरै मा गड़बड़ी करत अहैं। जब ऑनलाइन प्रक्रिया नाय रही तौ सबकै राशन कार्ड बना रहा लकिन जब सरकार बदलाथै तौ हर बार नियम भी बदल जाथै। अबहीं सब यका सुधारै मा लाग अहैं जब प्रक्रिया पूरी होय जाये तौ जेकरे नाम राशन कार्ड रहे वका मिले।

रिपोर्टर- संगीता

Published on Jul 13, 2017