राम रहीम का बचावै मा लाग रहै जनता

फोटो साभार: फेसबुक/डॉक्टर सेंट एम् एस जी ऑफिसियल

देश भर मा राम रहीम या समस्या का लइके चर्चा चलत हवै।या बात का लइके मड़इन मा बहुतै हलचल हवै।या देख के मड़इन का विस्वास बाबन के ऊपर से उठा जात हवै बाबन का सहारा ले का कास्बा स्वास्थ्य  व्यवस्था के कमी देखै का मिलत हवै।मड़इन का बीमारी मा स्वास्थ्य व्यवस्था नहीं मिलत तौ उंई बाबा लोग के झाड़ फूक का सहारा लेत हवैं।पै उंई बाबा तौ विश्वास मा घात लगावत हवै।यहै  हाल हरियाणा राज्य के देश सच्चा के राम रहीम करिस हवै।वा अपने आश्रम मा काम करै वाली सहवी के साथै बलात्कार करै का आरोप लाग हवै।यहिके खातिर सी.बी.आई जांच भे तबै जा के पंचकूला के अदालत वहिका 28 अगस्त का 20 साल के सजा सुनाइस हवै।
या मामला का लइके हर जघा के बाबन के ऊपर सवाल उठत हवै अउर बाबा भी डेरात हवै कि कत्तौ हमार नम्बर ना लाग जाये।राम रहीम का बचावै खातिर तीन लाख मड़ई सड़क मा उतरे रहै साथै कानून का अपने हाथ मा लइके बहुतै अत्याचार करिन कइयौ बसन का आगी लगा दिहिन पत्रकारन के ऊपर मारपीट करिन।पै या सब के बादौ कोर्ट आपन फैसला तौ सुनाइस हवै।अगर यहिनतान शासन प्रशासन अउर अदालत मजबूती से काम करै तौ इनतान के अत्याचार अउर बलात्कार जइसे केस कम होइ सकत हवैं।