रामश्री, आरोप पुलिस नहीं करत कारवाही

जिला बांदा, कमासिन कस्बा। या कस्बा के रामश्री 6 जून का दुपहरी के लगभग बारह बजे विकास भवन मा बइठ रहै। पूछैं मा पता लाग कि वहिका मनसवा राजस्थान भट्टा मा काम करैं गा रहै। जहां वहिके 30 अप्रैल का हत्या कइ दीन गे है, पै पुलिस कउनौ कारवाही नहीं करत आय।
रामश्री का कहब है कि मोरे मनसवा का 13 हजार रूपिया महीना के हिसाब से काम करैं खातिर गांव से संजय लेवा गा रहै। वहिके काम के होंआ पांच महीना पूर होय वाले रहैं। 30 अप्रैल का सुबेरे 10 बजे मोहिसे फोन मा बात करिस तौ कुछौ नहीं बताइस कि कउनौ दुख तकलीफ है। शाम के पता चला कि वहिके मउत होइगे है। जउन संजय लेवा गा रहै उंई गाड़ी कइके लाश लाये अउर हमरे दुआरे मा पार गे हैं। मोहिका पूर शक है कि मोरे मनसवा के हत्या कीन गे है। यहिके दरखास मंै एस.पी. का दइके नियाव के मांग करेंव, पै कउनौ कारवाही नहीं भे आय।
एस.पी. राजेन्द्र पाण्डेय का कहब है कि वा मामला के जांच कीन गे है अउर नरैनी विधायक जेसी दिनकर का भी फोन आवा रहै तौ उंई भी जांच कराइन हंै। वहिके हत्या नहीं कीन गे आय। भट्टा मा काम करैं वाले लोग मद्द करिन हैं अउर चन्दा कइके लाश लाये हैं। बीमारी से मौत भे है।

रिपोर्टर -गीता