राज्यमंत्री कै आश्वासन पै धरना खत्म

mahila mudda copyजिला फैजाबाद। देवकाली के बलात्कार पीडि़ता का इंसाफ देवावै कै धरना 23 वें दिन राज्यमंत्री के आश्वासन पै खतम भै।
फैजाबाद कै निर्भया को इंसाफ दो के बैनर तले क्षेत्रीय मनईन के समिति के तरफ से पीडि़त का पुरस्कार देवावै परिवार का पच्चीस लाख कै आर्थिक मदद शिक्षा दीक्षा कै खर्च सरकार के तरफ से उठावा जाये पूरे मामला कै हकीकत जनता तक लावै आरोपी का फांसी दियै जैसे कइयौ मांग का लइके 23 दिन सेगांधी पार्क मा बैठे मनइन कै धरना प्रदर्शन चलत रहा। जेहमा बारह दिन क्रमिक भूख हड़ताल भी रहा।
27 मार्च का वन राज्यमंत्री तेजनारायण पाण्डेय धरना स्थल पहूंचे अउर बताइन कि सरकार के तरफ से मांग का पूरा करावै कै काम कीन जात बाय। जिलाधिकारी के तरफ से मुख्यमंत्री कोष से आर्थिक सहायता दिया जाए के ताई पत्र व रानी लक्ष्मी बाई महिला सम्मान कोष भी दिलाय जाये। अउर कहिन कि पीडि़त परिवार का आवास के ताई 3 लाख पचीस हजार, पीडि़ता का वीरता पुरस्कार के ताई पत्राचार कै प्रति उपलब्ध कराय जाये। पीडि़त परिवार का व्यक्तिगत रूप से आर्थिक मदद भी कीन जाए कै बात कहिन। अनुज श्रीवास्तव, सुजीत, शरद शुक्ला, कृष्णकांत शुक्ल, सुमित मौर्य जैसेन मनई शामिल रहै।