रसोइया मानदेय खातिर दिहिन ज्ञापन

25-03-15 Kshetriya Karvi - MDM in Kaubra village webजिला चित्रकूट, ब्लाक मऊ अउर रामनगर। इं ब्लाक के गांवन के स्कूल मा मिड्डेमील का खाना बनावैं वाली रसोइया आपन मानदेय बढ़ावै खातिर 25 अगस्त का मऊ तहसीलदार गुलाब सिंह का ज्ञापन दिहिन।

मऊ ब्लाक, पुरवा भट्ठा प्राथमिक स्कूल के फूलकुमारी मवई कला गांव, पुरवा बरमबाबा के प्राथमिक स्कूल के फूलमति कहिस कि हमका एक हजार मानदेय एक महीना मा मिलत हवै। महंगाई दिनै दिन बढ़त जात हवै, पै मानदेय नहीं बढ़त हवै। स्कूल मा खाना बनावै मा पूर दिन लाग जात हवै। यहिसे कउनौ दूसर काम भी नहीं कइ सकित हन।

रामनगर ब्लाक, गांव सिरावल प्राथमिक स्कूल मा खाना बनावैं वाली कमला कहिस कि सरकार का एक दिन के हिसाब से सौ रुपिया दें का चाही। काहे से कि मेहनत बहुतै परत हवै।

मऊ तहसीलदार गुलाब सिंह कहिन कि यहिमा सरकार कुछौ कइ सकत हवै। या हमार जिममेदारी नही आय।