रसोइया अपने मांगन का लइके निकालिन रैली

Exif_JPEG_420जिला बांदा। राष्ट्रीय मध्याहन भोजन रसोइया राष्ट्रीय प्रधान  महासचिव जुल्फिकार अली के अगुवाई मा हजारन के संख्या मा रसोइया रैली अउर धरना प्रदर्शन का आयोजन करिन। उंई अशोक लाट तिरहा से रैली निकार के कलेक्ट्रेट पहुंची अउर होंआ आपन बारह सूत्री मांगन का लइके सीटी मजिस्ट्रेट का ज्ञापन दइके प्रधानमंत्री अउर मुख्यमंत्री का भेजिन हैं। दीन गे ज्ञापन मा कुन्ता, सीमा फूला अउर रामप्यारी कहिन कि एस.डी.एम. योजना के अन्तर्गत प्राथमिक अउर पूर्व माध्यमिक विद्यालय मा कार्यरत रसोइयन के स्थिति बंधुआ मजदूर से भी बदतर हैं। न उनका काम के सुरक्षा आय न जीवन जीये लायक मानदेय दीन जात आय। जउनतान काम मा लगावा जात है। वहिनतान निकार दीन जात है। जबैकि या काम स्थाई का आय। या काम मा ज्यादातर औरतै  गरीब अउर असहाय परिवार से हैं । जिनका चारौ कइती शोषण कीन जात है। विद्यालय मा रसोइयन के हर साल के चयन प्रक्रिया समाप्त कीन जाय। साथै उनके भर्ती बेसिक शिक्षा अधिकारी अउर डी.एम. के जरिए कीन जाय। खाना बनावैं का गैस चूल्हा सहित पूर सुविधा कराई जाय। रसोइन का मानदेय 6 हजार रूपिया कीन जाय अउर हर महीना समय से दीन जाय। उनका मानदेय छह-छह महीना न रोका जाय। सीटी मजिस्ट्रेट कहिन कि उनका ज्ञापन जिला अधिकारी के जरिए प्रधान अउर मुख्यमंत्री तक पहुंचावा जई। जेहिसे कि उनकी मांगैं पूर होई सकैं।

रिपोर्टर – गीता और शिवदेवी