योजना का नहीं मिलत लाभ

lp_gas_cilinder-wwहमार देश के प्रधानमंत्री नरेन्द्र मोदी कउनौ न कउनौ योजना लागू करत रहत हैं। यहै खातिर अप्रैल 2016 मा प्रधानमंत्री उज्ज्वला योजना शुरु कीन हवैं। या योजना मा बी पी एल राशनकार्ड वाले परिवारन का गैस कनेक्सन मुफ्त मा दीन जई। प्रधानमंत्री उज्ज्वला योजना का लाभ भारत मा रहै वालै सबै मड़इन का दीन जई। काहे से प्रधानमंत्री चाहत हवैं कि हमार देश का पूर विकास होय। शहर से लइके गांव तक सबै मड़इन के घर घर मा गैस कनेक्सन होय का चाही। यहै प्रधानमंत्री का सपना आय। पै का प्रधानमंत्री का या सपना पूर होइ?काहे से योजना लागू होय पांच महीना होइगे हवैं, पै मड़ई अबै तक गैस कनेक्सन खातिर भटकत हवैं गरीब मड़ई आपन काम धंधा छोड़ के गैस एजेन्सी के चक्कर लगावत रहत हवैं। गैस एजेन्सी वाले मड़इन का कउनौ न कउनौ बहाना बना के लउता देत हवै । कतौ कहत हवै फारम सही नही भरा हवै, कतौ कहत हवै आधार कार्ड राशन कार्ड के फोटो कापी लागी किराया भाड़ा लगा के मड़ई जाने केती केती दूरी से आवत हवैं पै बार बार निराश होइ के लउट जात हवैं।
आखर इनतान के योजना का लाभ ? जउन गरीबन तक नहीं पहुंचत आय। इं गरीब मड़इन के गैस कनेक्सन होइ जइहैं तौ वाहेकर उंई नीकतान लाभ उठा पइहैं काहे से जउन गरीबन के लगे लकड़ी खरीदे का रुपिया नही आय उंई गैस कसत भरइहैं। जउन परिवार मा जयादा सदस्य हवैं वहेरकार गैस तौ जल्दी ख़तम होइ जई नियम के हिसाब से 21 दिना मा दूसर गैस सिलंडर नहीं भरवा सकत आय। मड़इन का यह्कर लाभ किनतान मेल। सरकार का इनतान के योजना के बारे मा सोंचे का चाही?