योगी जी 100 दिन हो गए, चित्रकूट जिले की ये सड़क तो गड्ढों से भरा पड़ा है

जिला चित्रकूट, ब्लाक मऊ, गांव औझर योगी सरकार के अउतेन हलचल मच गे हवै। चाहे वा एंटी रोमियों दल बनावे के बात हो चाहे  अवैध बूचड़खाना बंद करे का काम हो।या फेर 15 जून तक सड़कन का गड्डा भरे के बात होय। पै जून का पूरा महीना होइ गा पै अबै भी सड़कन के गड्डा नहीं भरे आहीं। औझर  गांव से खप्टिहा तक के पांच किलोमीटर सड़क पांच साल से ख़राब पड़ी हवैं।जिला चित्रकूट, ब्लाक मऊ, गांव औझर योगी सरकार के अउतेन हलचल मच गे हवै।चाहे वा एंटी रोमियों दल बनावे के बात हो चाहे  अवैध बूचड़खाना बंद करे का काम हो।या फेर 15 जून तक सड़कन का गड्डा भरे के बात होय। पै जून का पूरा महीना होइ गा पै अबै भी सड़कन के गड्डा नहीं भरे आहीं। औझर  गांव से खप्टिहा तक के पांच किलोमीटर सड़क पांच साल से ख़राब पड़ी हवैं। पी डब्ल्यू डी के सहायक अभियंता सेवादास  का कहब हवै कि जउन सड़क छूटी हवै वहिके खातिर नवा प्रस्ताव बना के भेज दीन गा हवै। प्रस्ताव पास होइ जई तबै सड़क बनायी जइहैं। 99 प्रतिशत सड़क बने का काम पूर होइ गा है। शिववती बताइस कि बरसात के महीना मा सबसे ज्यादा परेशानी होत हवै।डिलेवरी करावे वाली मेहरियन का इनतान के पथरीली अउर गड्डा वाली रास्ता से निकले मा बहुतै परेशानी होत हवै। लालबहादुर, छोटीलाल अउर दुर्गेश का कहब हवै कि 6-7 किलोमीटर सड़क ख़राब पड़ी हवै बरसात मा एक कइत नहर दूसर कइत पानी बरसत हवै तौ फिसले के डेर रहत हवै। बरसात मा कांदौ  के कारन साइकिल अउर दूसर वाहन चलावे मा बहुतै परेशानी होत हवै। दिन भर मा दुइ ढाई सौ वाहन  हिंया से निकलत हवै 5-6 गांव के मड़ई या सड़क से रोज आवत जात हवै। ललित बताइस कि रोज स्कूल आवे जायें मा बहुतै परेशानी होत हवै।

रिपोर्टर- सुनीता देवी

Published on Jul 5, 2017