खबर लहरिया चित्रकूट योगी के आये मा मीडिया का नहीं बना कार्ड

योगी के आये मा मीडिया का नहीं बना कार्ड

योगी आदित्यनाथ, मुख्यमंत्री, उत्तर प्रदेश,

मुख्यमंत्री योगी आदित्यनाथ 22-23 अक्टूबर 2017 बुन्देलखण्ड का दउरा करिन जेहिमा हमीरपुर,महोबा, करिन जेहिमा चित्रकूट जिला भी शामिल रहैं मुख्यमंत्री के आये खातिर तौ प्रशासन बहुतै तैयारी मा लाग रहैं। पै जनता के सुविधा का सब कोउ भूल गा रहै। मुख्यमंत्री का भीड़ देखाबै खातिर प्रशासन परिवाहन विभाग के दुई सो बसन का गांव-गांव लगा दिहिस रहै जेहिसे कि उंई बस मा जनता बइठ  के योगी खातिर भीड़ इक्ठठा कइ सकैं। पै आम मड़इन खातिर वाहन के कउनौ व्यवस्था नहीं कीन गे आय। जउन बस चलत रहै उनका खोह  गांव तक जउन कर्वी से  पांच किलोमीटर दूर हवै  हुंवा लोग देत रहैं जेहिसे रोज डियूटी करै  वाले अउर आम  मड़ई बहुतै परेशान भे हवैं।
योगी के राज मा जिला के मीडिया के पास भी नहीं बनाये गें आहीं। या कारन पत्रकारन का घुसै नहीं देत रहैं।पै हुंवा कुछ लोग जबरइन घुस के आपन खबर कइ लिहिन हवैं।प्रशासन सोंचत रहै कि मीडिया घुसी तौ सब पोल पट्टी खुल जई? यहै से नहीं जाए देत रहैं।
मऊ से कर्वी आये लोगन का कहब रहै कि योगी एक मिनट झाडू लगा के देखावत हवै रोज नेता मंत्री झाड़ू लगावैं तौ जानी?
मानिकपुर से टैक्टर भर के योगी का देखै मड़ई आये रहैं पै पुलिस उनका घुसै नहीं दिहिन या कारन उंई तुरतै लउट गें।
कर्वी के मड़ई बताइन कि हम पचे कल से योगी के इन्तजार करित हन पै वहिका तौ हम देख भी नहीं पायेन का होत हवै?मंत्री आवे या प्रधान मंत्री हम जनता का खून पियत हवैं? पुलिस वाले डंडा देखावत हवैं कि घुसेव न?
यहिके साथै पुलिस प्रशासन का बड़ा दबदबा रहै उई चाहे जेहिका गाली दें चाहे जेहिका गंदे गंदे शब्द बोलै उनके ऊपर कउनो कारवाही नहींयोगी चित्रकूट मा स्वच्छ भारत का नारा लगवा के झाड़ू तो लगवा दिहिस? पै का उंई जघा भी देखिस हवै जहां मड़इन के घरन के सउहें मड़ई पेशाब करत हवैं अउर फेकत हवैं? कत्तौ हुंवा झाड़ू लागी की नहीं?