योगी आदित्यनाथ का अधूरा वादा, चित्रकूट जिले के कमरौंहा में आज भी नहीं है सड़क

कोबरा गांव,कमरौंहा पुरवा। उत्तर प्रदेश में बीजेपी सरकार बनतै मुख्यमंत्री योगी आदित्यनाथ सौ दिन मा यूपी का सड़क ठीक करै का वादा करिन रहै। चित्रकूट जिला के कोबरा गांव का कमरौंहा पुरवा मुख्य सड़क से तीस किलोमीटर दूरी हवै। हिंया लगभग सत्तर अस्सी दलितन के घर बनें हवैं। प्रधानमंत्री सड़क योजना लागू होय के बादौ हिंया के सड़क नहीं बनी आय।
अनूप चन्द्र का कहब हवै कि हिंया के सड़क ऊबड़ खाबड़ हवै। बरसात के मौसम मा बहुतै परेशानी होत हवै।
लक्ष्मी प्रसाद बताइस कि खराब रास्ता के कारन मड़ई मेड़ से निकलत हवैं।
सुधा वर्मा का कहब हवै कि सरकारी स्कूल दूरी हवै। खराब सड़क के कारन बरसात के चार महीना बच्चा स्कूल पढ़े नहीं जा पावत आहीं। जेहिसे कोर्स पूर नहीं होइ पावत आय। कउनौ बीमार होइ जायें तौ हिंया एम्बुलेंस नहीं आ पावत आय।
संतराम बताइस कि कउनौ बीमार होई जात हवै तौ चद्दर के झोली बना के दुइ किलोमीटर लइ जायें का पड़त हवैं।
प्रधान प्रतिनिधि गया प्रसाद का कहब हवै कि सड़क बनावै खातिर कउनौ जमीन नहीं देत आय तौ का करी। मड़ई जमीन दइ दें तौ सड़क बन जई।

रिपोर्टर- नाजनी रिजवी 
Published on Feb 15, 2018