यमुना में नहाने गए चित्रकूट के राजापुर के हरिश्चन्द्र, अभी तक कोई पता नहीं

जिला चित्रकूट, ब्लाक रामनगर, क़स्बा राजापुर का रहैं वाला हरिश्चंद्र 5 अगस्त का यमुना नदी मा नहाये खातिर गा रहै। वा ल उट के घर नहीं आवा अउर अबै तक हरिश्चंद्र के लाश नहीं मिली आय। या कारन से हरिश्चंद्र के परिवार वालेन का बहुतै बुरा हाल हवै।
हरिश्चंद्र के औरत सोना का कहब हवै कि मोर मनसवा के उमर लगभग पैतालीस साल रहै। या समय यमुना नदी बहुतै बाढ़ मा रहै। मोर मनसवा रोज के जइसे नदी मा नहये खातिर गा रहै,पै वा दिन घर लउट के नहीं आवा अउर ना तौ वहिके लाश का कउनौ पता लाग हवै। पता नहीं के मोर मनसवा का करत हवै। वा मोहिसे दूर काहे चला गा हवै।अब मोर मनसवा कसत मोहिका मिली।
हरिश्चंद्र के लड़का आघस का कहब हवै कि अपने बाप के लाश का ढूढ़त फिरत हौं। अगर पहिले से पता होत कि आज मोर बाप लउट के घर ना अई तौ वहिका घर से ना जाये देतेव हवै।

रिपोर्टर- खबर लहरिया ब्यूरो

 

27/08/2016 को प्रकाशित