मेहरारु कै गड़ासा से गला काटिके हत्या

mahila mudda copyजिला अम्बेडकरनगर, ब्लाक कटेहरी, गांव केवलापुर। हिंआ 6 अप्रैल 2016 का एक पति अपने पत्नी कै रात मा सोवत समय गड़ासा से गला काटिके हत्या कै दिहिस। पुलिस पति समेत तीन का हिरासत मा लिहिन।
गांव वाले मनई अजय पाण्डेय, जितेन्द्र दूबे अउर मनीष पाण्डेय कै कहब बाय कि घटना कै सुबह जानकारी मिली। यकरे पहिले कउनौ भी बात कै जानकारी केहू का नाय रही। गांव के लगभग सत्ताइस साल के संदीप कै शादी तीन साल पहिले भै रही। संदीप के तीन महीना कै एक बेटवा भी बाय।
बुधवार की रात संदीप अपने मेहरारु शोभावती कै हत्या कै दिहिन। घटना के सुबह गांव के मनइन का खुद से जानकारी दिहिन कि हम अपने मेहरारु कै गड़ासा से गला काटिके हत्या कै दिहन। तब केहू के विश्वास नाय भै। घटना स्थल पै जाइके देखै पै जानकारी भै। मेहरारु कै खून से लथपथ शव चारपाई पै परा रहा। तीन महीना कै गेदहरा भी बगल मा सोवत रहा। हत्या काहे करिन केहू का जानकारी न बाय।
अकबरपुर थानाध्यक्ष बताइन कि शोभावती के भाई रणविजय के तहरीर पै दहेज हत्या कै केस दर्ज भै बाय।