मेन बस स्टाप का हैण्डपम्प खराब

दुई महीना से खराब हैण्डपम्प
दुई महीना से खराब हैण्डपम्प

जिला बांदा, ब्लाक नरैनी, कस्बा नरैनी। हेंया के कालिंजर रोड मेन बस स्टाप के पास का हैण्डपम्प दुई महीना से खराब है। यहिसे आवैं जाय वाले यात्री अउर दुकानदारन का पानी के परेशानी है।
पान के दुकान करैं वाले मुहम्मद आटो चालक, पप्पू कहत हैं कि या रोड से कालिंजर जाय वाला मेन बस स्टाप आय। गुढ़ा, परसहर, सिघौटी, सढ़ा, रक्सी अउर कालिंजर समेत बीस गांव के यात्री अउर साधन ठाड़ होत हैं। एक हैण्डपम्प है वहौ बिगड़ा है। या मारे हजारन मड़ई पियास बुझावैं खातिर पाउज खरीद के पियास बुझावत हैं। अगर हैण्डपम्प बन जाये जौ नींक है। 2 सितम्बर के तहसील दिवस मा जल संस्थान वालेन से भी हैण्डपम्प बनावैं का कहा गा रहै, पै सुनाई निहाय।
जल संस्थान के अधिषाशी अभियन्ता विजय बहादुर का कहब है कि कालिंजर रोड का हैण्डपम्प खराब है। या जानकारी हमैं नहीं रही आय। मैं अबै नरैनी जे.ई. का फोन कइके हैण्डपम्प बनवा देहूं।