मेनरोड पै ब्रेकर न हुअय से एक्सीडेन्ट कै खतरा

kasba 13-9-13
गाड़ी हिंआ धीम होय के चलै

जिला फैजाबाद, ब्लाक मया, गाँव बरईपारा। हिंआ दुइनौ किनारे पै बे्रकर न होय से यक्सीडेन्ट आये दिन हुआ कराथै।
राजप्रताप, मंजीतपाल, कुलदीप बताइन कि दुई महीना भै ब्रेकर न होय से एक्सीडेन्ड भै रहा तौ एक लागे पांच मनई खतम भै रहिन अबहीं पन्द्रह दिन पहिले एक गेदहरा कै पैर टूट गै है। जब पांच मनई खतम भै रहिन तौ जिला यस.डी.एम आय रहिन अउर कहे रहे कि यहि गाँव के दुइनौ किनारे ब्रेकर बन जाय गाँव कै मनई निकरै तौ खतरा न बना रहै गाड़ी हिंआ धीम होय के चलै लकिन अबहीं तक ब्रेकर नाय बनवाय गै बाय।
रमेश पाण्डेय, सत्यजीत बताइन कि हमरे सब कै घर सड़क के किनारे बाय केतनौ बचाइ थै तउने पै लड़कै भाग के रोड़ पै पहुँच जाथे अगर ब्रेकर बन जात तौ यतना दिक्कत न हुअत। विधायक, यस.डी.एम. जिला पंचायत सब हिंआ कै हाल देख के गै हइन।
विधायक अभय सिंह बताइन कि यस.डी.एम. कै बदली होय गै बाय जब नया यस.डी.एम. अइिहंै तब बने।