मुख्यमंत्री के आने की सूचना पर गाँव का विकास या दिखावा देखिये चित्रकूट जिले के कोलगदहिया का मामला

जिला चित्रकूट, ब्लाक कर्वी, गांव कोलगदाहिया। 22 अक्तूबर का जबै मुख्यमंत्री का हिंया आवे का रहै तौ हिंया विकास का काम तेजी से शुरू रहै, शौचालय आवास नाली अउर खड़जा का काम होत रहै पै जबै सुचना मिली कि मुख्यमंत्री का हिंया नहीं आवें का तौ सब विकास के काम रोक दीन गें हवै प्रधान रमेश कुमार का कहब हवै कि जउन पुरान बजट रहै वहै हिसाब से काम होत रहै विकास खातिर नवा बजट नहीं आवा आये पिछले साल चौवन आवास आयें रहै
मोहम्मद वसीम बताइस कि मुख्यमंत्री के आवें से हमार गांव का विकास होइ जात पै अधिकारी घुमा फिरा के मुख्यमंत्री का बनाड़ी लइ गें हवै। जबै फेर कउनौ मंत्री अइहैं तौ हिंया का विकास होइ।
हरिश्चंद्र बताइस कि योगी के गांव न  आवे से हिंया मड़ई बहुतै दुखी हवैं यहै खातिर मड़ई हिंया एक दिना रोटी नहीं खाइन आहीं। विमला बताइस कि कलोनी आय, न हिंया एकौ नल लाग आहीं, शौचालय भी नहीं मिले आहीं, न हिंया के रास्ता बनी आय। मुख्यमंत्री का हिंया आवे से रोक दीन गा हवै। गांव के बाहर विकास विकास कीन गा हवै।सन्तोष बताइस कि तीन साल का रिकार्ड लइके हम तहसील जइबै। हमार सुनवाई न होइ तौ धरना प्रदर्शन,चक्काजाम, अनशन सब कुछ करबै।
बीडीओ कुलदीप कुमार का कहब हवै कि फरवरी 2018 तक आवास बने काम पूर होइ जई। आवास खातिर तीन क़िस्त मा रुपिया दीन जात हवै।
रिपोर्टर-सुनीता देवी

Published on Nov 28, 2017