मुकदमा वापस लियै कै मांग

22-07-15 Taarun - BDO vs Kisaan webजिला फैजाबाद, ब्लाक तारुन। 9 जुलाई का ब्लाक स्तरीय पंचायत मा किसान अउर बी.डी.ओ. के बीच मा भै विवाद बढ़त जात बाय। 20 जुलाई का तहसील के तिकोनिया पार्क मा किसान यूनियन वाले धरना दिहिन।

किसान यूनियन के साथे मनरेगा मजदूर भी षामिल रहिन। इनके सबकै मंाग बाय कि या तौ मुकदमा वापस लियै या सब कार्यकर्ता जेल जाए। तारुन ब्लाक पै 9 जुलाई का भारतीय किसान यूनियन कै पंचायत रही। जेहमा बी.डी.ओ. के न आवै पै किसान यूनियन कै कार्यकर्ता अउर बी.डी.ओ. मा नांेकझोक भै रही। महिला कार्यकर्ता बी.डी.ओ. का खींचके पंचायत तक लै गै रही। जवन बी.डी.ओ. का अच्छी नाय लाग अउर वै किसान यूनियन के कार्यकर्ता के खिलाफ एफ.आई.आर. दर्ज कराय दिहिन। पुलिस पांच किसान यूनियन के कार्यकर्ता का जेल भी भेज दिहिन।

20 जुलाई का प्रदेष सचिव दिनेष दूबे, प्रदेष उपाध्यक्ष सब साथियन का छुड़ावै अउर बी.डी.ओ. के खिलाफ मुकदमा दर्ज करावै कै मांग करिन। प्रदर्षन मा सिटी मजिस्टेट जयषंकर त्रिपाठी एस.डी.एम. सदर अमित कुमार पहुंचके कहिन कि किसानन पै दर्ज मुकदमा दुई दिन के अन्दर हटवाय जाये।