मीनू के अनुसार नाय आवत खाना

kasba1जिला फैजाबाद, रामनगर कालोनी। हिंआ के आंगनबाड़ी केन्द्र पै मीनू के अनुसार खाना नाय आवत। जवन नियम कै उलंघन हुवत बाय।
आंगनबाड़ी कार्यकत्री विजयलक्ष्मी बताइन कि हिंआ मीनू के अनुसार कभौ कभौ खाना मिलाथै। जबकि हर रोज मीनू के अनुसार मिलै का चाही। 10 दिसम्बर 2014 का हलुवा मिलै का रहा लकिन वहि दिन लइया चना अउर दलिया आय रहा।
वहीं 12 दिसम्बर का दूध फल मिलै का रहा लकिन लइया चना अउर दलिया लाय रहिन। जब कहि जाथै की मीनू के अनुसार खाना दिया तौ कुछ नाय बोलतिन। ई गेदहरन के साथे खिलवाड़ हुवत बाय। नियम बाय कि रोज बदल-बदल के खाना मिलै। तबौ हर तिसरे दिन दलिया अउर लइया चना आवाथै।