मिलिये बांदा के मटौंध और अतर्रा के नवनिर्वाचित अध्यक्षों से

बांदा जिला के मटौंध नगर पंचायत के नवनिर्वाचित अध्यक्ष चौधरी का कहब है कि मैं हर महीना एक- एक गांव के जांच कइके विकास का काम करिहौं। कांग्रेस पार्टी के अध्यक्ष होय  के बादौ मोहिका भरोसा है कि मुख्यमंत्री मोरे साथै भेदभाव न करिहैं। मटौंध माँ छह कांग्रेस के अउर चार भाजपा के वार्ड सदस्य हैं पै हम कउनौ वार्ड सदस्य के साथै भेदभाव न करिहौं। बिल्ली पानी के व्यवस्था अउर अन्ना जानवर के समस्या का भी खतम करै के कोशिश करिहौं।
अब मिलित है अतर्रा नगर पालिका परिषद के नवनिर्वाचित अध्यक्ष जगदीश प्रसाद गुप्ता से वा भारतीय कम्युनिस्ट पार्टी से चुनाव जीतिस है। उनकर कहब है कि जउन मड़ई वोट दिहिन है अउर जउन वोट नहीं दिहिन आहीं मोहिका सबै कोउ पसंद करत है। मैं सबै वार्ड सदस्यन का साथ लइके काम करै का है कउनौ के साथै भेदभाव नहीं करै का आय। संघर्ष करब तौ हमार आदत आय हमरे लगे कउनौ चुनौती नहीं आहीं लड़कियन के स्कूल बनावें मा, गुंडागर्दी खतम करै मा कत्तो हारे नहीं आहीं जनता साथ देई तौ कउनौ परेशानी न होई।अतर्रा के पानी के समस्या खतम करिहौं युवा पीढ़ी का नशा से दूरी लइ जइहौं।
रिपोर्टर-मीरा देवी और गीता देवी

इस श्रृंखला की बाकी विडियो देखने के लिए यहाँ क्लिक करें…

published on Dec 20, 2017