मिलिए श्रीपति मिश्र से बाँदा के नए पुलिस अधीक्षक

बांदा जिला मा 16 अक्टूबर का श्री पति मिश्रा नये एस पी पद सम्भालिन हैं। या उनकर पहिला एस पी का पद आय । यहिके पहिले उंई बांदा मा अपर एस पी के पद मा रहे है। हेंया आवै से पहिले उंई पुलिस मुख्यालय इलाहाबाद मा पुलिस अधीक्षक के पद मा रहे हैं। या जिला के समस्या के बारे मा खबर लहरिया का उंई बतावत हैं।
सवाल-आप बांदा जिला मा दुबारा आये हौं। तौ कउन समस्या का पहिले निपटाने के कोशिश करिहौं।
जवाब-सबै गम्भीर समस्यन का ध्यान दीन जई। मेहरियन खातिर जउन जरूरी कारवाही होइहैं सब कारवाही कीन जई।अउर पूर अधिकार दीन जइहैं।
सवाल-या जिला का मुख्य खनन आय यहिके बारे मा कउन कारवाही होइ।
जवाब- खनन बहुतै खराब अपराध आय। यहिके खातिर दूसर दिना से गम्भीता से कारवाही शुरु होइ हैं| जेते अवैध खनन होत हैं| वहिमा हर तान रोक लगावा जई।
सवाल-खनन का मुददा बहुतै पुरान आय। अलग कउन कारवाही करिहौं।
जवाब-हम अलग कारवाही के शुरुआत करेबे। यहिमा हेंया के मड़ई अउर पत्रकार सबहिन से सहयोग के उम्मीद करित हन।

मीरा देवी