मिलई छई कम्प्यूटर प्रशिक्षण

camputarजिला सीतामढ़ी, प्रखण्ड सोनबरसा ,राजकीय मध्य विद्यालय इन्द्ररवा। उहां दु महिना से एन. पी. जी. एल. कार्यक्रम के तहत हुनर शिक्षा योजना के माध्यम से किशोरी लड़की के कम्प्यूटर के प्रशिक्षण देल जा रहल हई। जेइमें चैदह प्रशिक्षु मिलके प्रशिक्षण ले रहल छथिन।
ओई में कम्प्यूटर प्रशिक्षण लेवेवाली लड़की, राममुुनीशा ,पुनम कुमारी सब कहलथिन कि हम सब सपनो में न सोचले रहली कि कम्प्यूटर सीखब लेकिन आई मंगनी में विद्यालय में कम्प्यूटर सीख रहल छी। हमरा सब के बहुत खुशी होईय। अब हमर सोच अउर भी आगे हो गेल। हम आगे भी कम्प्यूटर सीखब। प्रधानाध्यापक रामज्ञान यादव शिक्षक भिखारी महतो कहलथिन कि एनपीजीएल के तहत एई लड़की के चयन करके कम्प्यूटर सीखायल जा रहल हई। जेइमें पराइवेट द्वारा धरेश कम्प्यूटर से इनका सब के पढ़ाई हो रहल हई। जेइमें बेसीक कम्प्प्यूटर (डीसीए) कोर्ष के जानकारी देल जा रहल हई। कम्प्यूटर मास्टर धीरेश कुमार कहलथिन कि थीओरी पेरेक्टीकल कैल जाई छई। जेइमें बारह बजे से बैच में पढ़ाई होई छई।