मिनू के आधार से रिमलई छई पोषाहार

खिचरी खाईत बच्चा
खिचरी खाईत बच्चा

जिला सीतामढ़ी, प्रखण्ड डुमरा, पंचायत, गांव मुरादपुर, वार्ड नम्बर बारह। उहां आंगनवाड़ी केन्द्र संख्या छतीस हई। ओई केन्द्र पर पोषाहार के साथ-साथ बच्चा सब के बिस्कुट भी मिलई छई।
सेविका नूतन कुमारी कहलथिन कि कुल नामांकन चालीस हई अउर उपस्थिति तीस से पैतीस रहई छई। ऐई केन्द्र पर महादलित, हरिजन अउर पिछड़ी जाति के बच्चा पढ़े अबई छई। बच्चा शिला कुमारी, टिंकू कुमारी, काजल कुमारी लगभग पंद्रह बच्चा कहलथिन कि हम सब रोज केन्द्र पर अबई छी। खेल-खेल के द्वारा पढ़ाई भी करई छी। खाना अउर बिस्कुट भी मिलईय।
सहायिका कल्पी देवी कहलथिन कि पोषाहार मिनू के आधार से देई छी।
बाल विकास परियोजना के सी.डी.पी.ओ. भावनी कुमारी कहलथिन कि केन्द्र के चालीस बच्चा अउर कुपोषित बच्चा, किशोरी बच्ची, धात्री अउर गर्भवती महिला के भी पोषाहार देल जाई छई।