माटी भसकैं से लागत जाम

20150106_162420जिला चित्रकूट, ब्लाक रामनगर, कस्बा रामनगर। हिंया दुइ साल से चलत पुलिया का निर्माण पूर होइगा, पै सड़क मा समतली करण खातिर डारी गे माटी जानलेवा साबित होत हवै। 1 जनवरी का बरसा पानी से माटी भिसक गे अउर वहिमा ठेला पलट गा। यहिसे कइयौ दिन जाम लागै से जनता परेशान भे।
रामनगर के सोहन अउर कल्लू का कहब हवै कि 1 जनवरी 2015 तक पुलिया मा जाम लाग रहै। या कारन मड़इन का राजापुर घूम के वाहन लइ जाये का परत रहै। जाम खुल तौ गा हवै, पै फेर जाम लाग सकत हवै। बस मा बइठे मड़ई कहिन कि हम पांच दिन से पचास किलो मीटर के जघा अस्सी किलो मीटर घूम के कर्वी पहुंचीत हन। 8 जनवरी 2015 का फेर से पुलिया मा ठेला पलट गा हवै फेर से जाम लागै लाग हवै।
लखनऊ पी. डब्ल.ू डी विभाग के पुलिया बनवावैं वाले सुपरवाइजर राजकुमार कहिन कि हम तौ पुलिया का सड़क के बराबर करै खातिर जल्दी से जल्दी कोषिष करित हन, पै पानी सब बिगाड़ दिहिस हवै। हम तुरतै गिट्टी डलवाये हन।