माइनर मा नाय आवत बाय पानी

f kasbaजिला अम्बेडकर नगर, ब्लाक कटेहरी। हिंआ गनेशपुर माइनर मा पानी नाय आवत आय। जेसे फसलन का पानी नाय मिल पावत बाय।
किसान रवीन्द्र, कमलेश कनौजिया, मोहम्मद सिद्दीकी अउर बेचन यादव बताइन कि यहि माइनर से दर्जनौ गांव कै किसान सिंचाई कराथिन खेमापुर भगोला अटवाई जैसे गांव के मनई कै खेती बाय। लकिन तबौ जल्दी यहि माइनर मा पानी नाय आवत। न ही नहर कै जल्दी सफाई हुवय। कइयौ बार जिला मा यकै शिकायत भी कीनगा लकिन सुनवाई नाय भै।
रामशकल बताइन कि जे अमीर किसान बाय या जेकरे पास आपन निजी साधन बाय ऊ आराम से खेती कै ले। लकिन जेका दुसरे के ट्युबवेल से सींचै का बाय वका काफी दिक्कत हुआथै। जब एक सौ बीस रुपया प्रति घंटा कै गिनै का पराथै।
ए.डी.एम. रामसूरत पाण्डेय बताइन कि माइनर कै सफाई अउर पानी खोलै के ताई लहर विभाग का सूचना दीनगा बाय।