मांग पूरी होने पर ही होगा काम, बांदा में राजस्व संग्रह अमीन कर्मचारी संघ का धरना जारी

बांदा जिला के सदर तहसील मा राजस्व संग्रह अमीन कर्मचारी संघ हड़ताल करत हैं। आपन ग्यारह सूत्री मांग का लइके या धरना धरिन हैं। जेहिमा वेतन बढ़ावै का, पद बढ़ावै, पहिले जइसे व्यवस्था समेत कइयौ मांग हैं। अमीनन का कहब है कि सरकार हमें बहुतै ज्यादा काम देत है, यहै कारन जनवरी अउर फरवरी मा भी धरना धइ चुके हन। जबै सुनवाई नहीं भे तौ फेर से धरना धरे हन।
जयकरन का कहब है कि बांदा मा अस्सी अमीन हैं अउर लगभग अस्सी पद खाली पड़े हैं। यहिके खातिर कइयौ दरकी मांग कीन गे है। पृथ्वीनाथ का कहब है कि एक अमीन का कइयौ अमीन का काम करै का पड़त है अउर हमार आधा वेतन तौ काम करत-करत खर्च होई जात है। इन्द्रपाल का कहब है कि सात गांव का काम अकेले करत हौं, या मानक के हिसाब से सही नहीं आय। सरकार जउन काम करावत है तौ वा काम करै का पड़त है।
एडीएम गंगा राम गुप्ता का कहब है कि अमीनन के मांग शासन स्तर के आय, हम जिला स्तर के मांग पूर करित है।

रिपोर्टर- गीता देवी

Published on Mar 12, 2018