महोबा जिले के कुलपहाड़ जिले में बरसात से टूट गया नाला, लोग परेशान

जिला महोबा, क़स्बा कुलपहाड़ में बरसात में पानी ज्यादा बरसबे के मारे वार्ड नंबर 5 को नाला टूट गओ जीके मारे अब आदमियन को जाबे आबे निकरबे में परेशानी हो रई।
पिंटू ने बताई के बच्चन और बूढ़न को निकरबे में परेशानी होत और आबे जाबे में भी परेशानी होत। जाको बनबा देबे नइ तो मट्टी डरबा के एक सो करवाने चाहिए।मुकेश ने बताई के वहां को निकरबे में आदमियन को निकरबे में सबको परेशानी होत और अगर एसे में कोऊ अनजान आ जाये तो घटना हो सकत।
बेसेइ तो बामे मोड़ी मोड़ा गिर गिर परत या तो बन जाबे नइ तो पुर जाबे जीसे आदमियन को परेशानी न होबे। रोज रात के हम ओरे गाडी लगा देत के कोऊ को दिक्कत न होबे कम से कम पचास सौ आदमियन को आबो जाबो रत। और वहां भी जा तरफ के जइ तरफ और बा तरफ के बई तरफ रत।अबे एक हफ्ता भर पहले दो मोड़ी मोड़ा गिर परे ते जो मोड़ी मोड़ा ध्यान नइ करत सो गिर परत। अबे को बनो हे नाला चार पांच साल पुरानो हे आधिकारी सुनत ही नइया कत के टेंडर डर गओ।
सी एल शेख वरिष्ट लिपिक ने बताई के जाको प्रस्ताव हो गओ और जाको काम भी चालू होबे वालो हे। जो प्रस्ताव करीब दो महीना पहले बोर्ड की बैठक में भओ तो।

रिपोर्टर- श्यामकली 

Published on Jan 6, 2017