महोबा के चरखारी ब्लॉक के बघरौन गाँव में साल भर से नहीं बने शौचालय

जिला महोबा, ब्लाक चरखारी, गांव बघरौन एते के आदमी अबे तक हो रए परेशान साल भर से ज्यादा हो गयी लेकिन अबे तक शौचालय नई बने। लेकिन प्रधान अबे तक नई सुन रहे ।
राम कली ने बताई के व पांच वर्षीय हो गयी ती जा पांच वर्षीय चल रई लेकिन अबे तक नई बनबाई शौचालय। जो पेहले हते प्रधान सो अबे हे लेकिन बे नई सुनत। सबसे के दई के गड्डा खुदवा लो सो शौचालय बनाबा दे हे। और अब जब खोद लये सो कत के सामान नईया सामान आन दो सोई बनबा दे हे।
ज्वाला ने बताई के पेहले कह रए ते के सामान दे राए अब कत के हओ बन जे हे बन जे सो हमने गड्डा पूर दओ नई तो हमाओ घर गिर परतो।
किशोरी लाल ने बताई के उनने सामान नई दओ सो सबके एसे डरे गड्डा खुदे । केऊ बार कई हमने सो कत के नियम आजे हे सो बनाबा दे हे परसाल गड्डा खोद लओ तो और हम दोई भज्जा ने मिलके चार दिना में खोद पाओ तो और अब पूरो गांव परेशान हो रओ।
गणेश प्रसाद खण्ड विकास अधिकारी ने बताई के हम जा बात से बिल्कुल भी सहमत नईया प्रधान कि के पुरे गांव के आदमियन के गड्डा खुदवा के अब काम नई करा रहे।
रिपोर्टर- सरोज 
20/08/2016 को प्रकाशित

महोबा के चरखारी ब्लॉक के बघरौन गाँव में साल भर से नहीं बने शौचालय