महोबा के अजनर में जारी है टूटे घरों का सर्वे

जिला महोबा, गांव अजनर इते भोत ज्यादा बरसात और बाढ़ होबे के मारे आदमियन के घर गिर गये ते। जी में कछु आदमी बिल्कुल बेघर हो गये ते।
आदमियन ने अपनी मदद के लाने सरकार से मुआवजा कि मांग करी। जी में सरकार ने जल्दी से जल्दी आदमियन को मुआवजा देबे कि बात करी ती। और अब बो काम चालू भी हो गयो जीमे जो घर पूरे गिरे परे हे उनकी सर्वे करी जा रही।
कल्लू ने बताई के बरसात में हमाओ पूरो घर गिर परो तो सो अब बई कि सर्वे हो रई। इते कम से कम दस पन्द्रह घर एसे हे जो बिल्कुल पूरे गिर परे ते और कछु एसे हे जिनमें से कोऊ के आगे से कोऊ के पीछे से एसे गिर परे ते।
लेखपाल कलीम ने बताई के अस्सी घर कि सर्वे अबे तक हम कर चुके। और अबे कछु बाकि हे जिनकी सर्वे अबे करने हे।
गुलाब रानी ने बताई के हमाओ पूरो घर गिर परो तो पीछे से अब बाकि सर्वे हो गयी अब जब तक आबे रुपईया। जब रुपईया आहे तब हम काम लगवाहे अपनों घर बनाबा हे।
श्याम दुलईया ने बताई के हमने दस दिना रोजनदारी पे काम करो तो सबके संगे सो हमाय रुपईया नई मिले। और अब जाओ सो कोऊ देत नईया न कोई सुनत हे अब का जाबे हम का करे कछु समझ नई आ रही हमाई तो।

रिपोर्टर- श्यामकली और सुरेखा 

 

03/09/2016 को प्रकाशित