महिला हिंसा के खिलाफ बुलंद करो आवाज़!

जिला बांदा, शहर बांदा, ब्लाक  नरैनी तहसील मा वनांगना संस्था के तरफ़ से 17 अगस्त का मीटिंग कीन गे। मीटिंग करै का उद्देश्य रहै कि औरतन अउर लड़किन साथै होय वाली हिंसा का खतम होय के जरूरत है। मीटिंग मा आगनवाड़ी अउर सी.डी.पी.ओ. शामिल रहैं।
वनांगना संस्था के कार्यकर्ता पुष्पा कहिस कि गांव स्तर मा सबहिन से ज्यादा औरतन के साथै आगनवाड़ी अउर आशा कार्यकर्ता काम करत हैं। यहिसे मैं कहत हौं कि हम औरतन का जागरूक कई सकित हन। जबै हर औरत अउर लड़की जागरूक होई जई तौ हिंसा के खिलाफ आवाज उठावै लगिहैं। आगनवाड़ी कमलेश कुमारी कहिस कि मैं 1991 से आगनवाड़ी कार्यकर्ता आहूं। आज मैं पहिली दरकी वनांगना संस्था के मीटिंग मा आई हौं। यहिसे हेंया आवैं मा मोहिका भी अपने हक अउर अधिकारन के बारे मा बहुतै जानकरी मिली हैं। औरतन का जानकारी देहौं कि अपने ऊपर होय वाली हिंसा के खिलाफ आवाज उठावैं।

रिपोर्टर- गीता 

 

29/08/2016 को प्रकाशित