महादलित के लेल केतना सुविधा हई

 

शिकायत करईत लोग
शिकायत करईत लोग

जिला सीतामढ़ी, प्रखण्ड रीगा, पंचायत, गांव भवदंपुर, वार्ड नम्बर चैदह महादलित बस्ती। उहां पांच लोग के सरकारी सुविधा न मिलई छई। जेई कारण उनका सब के परिवार चलावे में दिक्कत होई छई।
उहां के रेखा देवी, सुनिता देवी, सुन्दर देवी कहलथिन कि हमसब मल्लिक जाति छी। बाल बच्चेदार हो गेली लेकिन सरकारी सुविधा न मिल रहल हय। हमर सब के नाम न बी.पी.एल. में हय, न ए.पी.एल. में हय। मटिया तेल भी पराईवेट से खरीद के जलावे परईय। ऐतना महंगाई में सब कुछ बाहर से ही मंगवावे परईय। दउरा सुपली बीन के अपन परिवार चलबई छी। महादलित के लेल ऐतना योजना चलई छई पर हमरा सब के कोई सुविधा न मिल रहल हय।
मुखिया अनिता देवी कहलथिन कि पंचायत के कोई लोग हमरा पास अईथिन तब न आगे के रास्ता बतबई। जे लोग सरकारी सुविधा से वंचित छथिन उ पंचायत में आवेदन दे।
प्रखण्ड विकास पदाधिकारी कामीनी कुमारी कहलथिन कि ए.पी.एल., बी.पी.एल .के जे सर्वे होयल रहई ओकर सुची अभी न अलईय। देखे परतई कि उनकर नाम सुची में हई कि न ओकरा बादे आगे काम होतई।