मनरेगा मा काम कै करिन मांग

जिला अम्बेडकर नगर, ब्लाक कटेहरी, गांव सबना तिवारी पुर। हिंआ कै दस मनई मनरेगा मा काम करै खातिर ग्राम विकास अधिकारी का 5 अगस्त 2014 का फार्म जमा करिन।
सच्चिदानन्द तिवारी मनरेगा मजदूर कल्याण समिति कै ब्लाक अध्यक्ष के अगुवाई मा महात्मा गांधी रोजगार गारण्टी योजना के अन्तर्गत गांव के मजदूर काम कै मांग करिन।
रामचरन, रामजनक, खुषीराम, सागरमती, रामअरज, पार्वती सब कै कहब बाय कि हमरे सब काम करै चाहीथी। जब काम नाय मिलाथै तौ बेरोजगार होइके बइठा रहै का पराथै। यहि मंहगाई मा खर्चा कइसे चले। काम कै मांग करे हई जब काम मिले तौ सब मनरेगा मा काम करब।
बी.डी.ओ. प्रदीप कुमार श्रीवास्तव बताइन कि ग्राम विकास अधिकारी द्वारा पन्द्रह दिन मा मजदूरन का काम दै जाये।