मनरेगा के तहत भरतई फिल्ड

गड्ढ़ा में विद्यालय
गड्ढ़ा में विद्यालय

जिला सीतामढ़ी, प्रखण्ड रीगा, पंचायत सिरौली प्रथम, गांव मेंहदी नगर। उहां के नवसृजित विद्यालय के फिल्ड बहुत गहरा हई। जेई कारण विद्यार्थी, शिक्षक सब के आवे-जाये में दिक्कत होई छई।
तीसरा वर्ग के रानी कुमारी, संगीता कुमारी पांचवां वर्ग के मोहन कुमार, चंदन कुमार कहलथिन कि विद्यालय के फिल्ड गहरा रहे के कारण पढ़ाई के समय चढ़े उतरे में दिक्कत होई छई। रसोइया पानो देवी, रामपरी कहलथिन कि स्कूल के समय खाना बनावे के लेल पानी लेके उपर चढ़े में बहुत परेशानी होई छई।
प्रधान शिक्षिका प्रभा कुमारी कहलथिन कि हम सी.आर.सी. बैठक में अपन बात रखई छी। फिल्ड भराई के लेल कतेक बेर मुखिया देख के गेलथिन लेकिन अभि तक फिल्ड न भरलईं
मुखिया पवन कुमार कहलथिन कि उहां योजना से मिट्टी भराई के लेल पास होयल हई। लेकिन अभी मनरेगा फण्ड में रूपईया न हई। जब रूपईया अतई तब मिट्टीकरण करायल जतई।
प्रखण्ड शिक्षा पदाधिकारी मोहम्मद इस्लाम अंसारी कहलथिन कि मिट्टीकरण के काम पंचायत के द्वारा करायल जाई छई। मनरेगा के तहत मुखिया ही करवईथिन।