मजदूर लगावत हे ब्लाक के चक्कर

kasba mahoba - mazdooriजिला महोबा, ब्लाक जैतपुर, कस्बा जैतपुर। एते के रहे वाले कमलेश के खेत में मार्च 2012 में कुआं खुदो हतो। जीखी गहराई दस मीटर रहे ओर दो लाख अस्सी हजार को बजट पास हतो। कुआं तो खुद गओ हे, पे मजदूरी के लाने मजदूर ब्लाक के चक्कर लगाउत हे।
एई बात खा लेके कमलेश को भाई दीनदयाल 31 जनवरी 2013 खा जैतपुर ब्लाक में बी.डी.ओ से मिले के लाने बेठो हतो। दीनदयाल ने बताओ कि मार्च 2012 में मोए भाई कमलेश के नाम खेत में नरेगा के तहत कुआं खुदो हे। जीमें दो लाख अस्सी हजार रूपइया बजट पास भओ हतो। पे कुल पचास हजार रूपइया मिलो हे। बांकी रूपईया अभे तक नई मिलो आय । एक साल पूरो होंय चाहत हे। एई कारन अभे कारीगरन के मजदूरी परी हे। जीसे में छह महीना से बराबर ब्लाक के चक्कर लगाउत हों ओर मजदूरी के मांग करत हों। ईखे बाद भी कोनऊ सुनवाई नइया। कुंआ में ग्यारह मजदूरन ने काम करो हतो।
जैतपुर बी.डी.ओ. बी.पी.पाण्डेय ने बताओ कि कुआं खुदाई को बजट हमाए एते से नई मिलत आय। लघु सिंचाई विभाग देत हे। उनके एते से हमाए पास एक जेई रहत हे। ऊसे मजदूरी के लाने कहो जेहे। लघु सिंचाई विभाग कुआं का भुगतान करत हे।