मकरबई की परेशानी केसे होहे दूर ?

मकरबई की सड़क
मकरबई की सड़क

जिला महोबा, ब्लाक कबरई, गांव मकरबई। एते के आदमी के्रशर ओर पहाड़ में होत काम ओर ट्रक से बोहतई परेशान हे। गांव में कभऊं भी कोनऊ भी घटना हो सकत हे। 12 नवम्बर खा भई फायरिंग के बाद सुरक्षा की ऐसी नाजुक स्थिति हे अभे भी गांव में पी.ए.सी. फोर्स तैनात हे। आदमियन ने आपन समस्या खा लेके 16 नवम्बर 2014 खा डी.एम. वीरेश्वर सिंह खा खा ज्ञापन दओ हे।

गांव के कल्लू, लल्लू, अजय ओर ममता के साथे दर्जनन आदमियन ने दई दरखास में लिखो हे कि पहाड़ के पट्टा धारक अपने खदान को कचरा खेत में डारत हें। जीसे खेत की फसल ओर ऊखी उपजाऊ क्षमता खतम होत हे। बताउत हे कि एई समस्या खा लेके 12 नवम्बर खा दोनऊ पक्ष के बीच फायरिंग भई हती। गांव को कन्हैया बताउत हे कि ईख साथे ट्रक चले के कारन रोड बोहतई खराब हे, कोनऊ घटना होंय पे न साधन आउत हें ओर न एम्बूंलेस आउत हे।
डी.एम. वीरेश्वर सिंह ने बताओ कि 20 नवम्बर 2014 खा दोनऊ पक्ष आये हतो, ओर दोनऊ की समस्या सुनी हे। रोड बनवायें के लाने ओर सासन खा लिख के भेजो हे। साथ ही पहाड़ मालिक ने भी रोड की मरम्मत करायें खा कहो हे।