मउत कै नाय लागत सुराग

जेठ रामवृक्ष शर्मा अउर सास
जेठ रामवृक्ष शर्मा अउर सास

जिला फैजाबाद ब्लाक मया गांव रमनपट्टी। 13 फरवरी 2016 कै रात मा गायत्री शर्मा रात 8 बजे घर से बाहर गै रहिन। पूरी रात जब धरे नाय आइन तौ परिवार वाले हेरै निकरिन तौ सुबेरे 5 बजे घर से दुइ किलो मीटर दूरी पै गायत्री शर्मा कै शव मिला। मउत कइसै भै नाय लाग पता।
मृतिका कै जेठ रामवृक्ष शर्मा अउर सास उम्र 85 कै बाय उनकै कहब बाय कि उनकै एक्सीडेंट से मउत नाय भै बाय उनका मारा गै बाय। हम चाहिथे कि सही कातिल पकड़ के सजा दीन जाए। दस दिन से ज्यादा होइ गै थाना पै तहरीर दीन गै रहा अउर बोबाइल कै कालडिटेल निकार कै आखिर यतना रात के यतना दूर पै के बुलाये रहा। इहै हाल चार साल पहिले उनकै पति महेन्द्र कुमार शर्मा कै लाश नहर मा डूबै से भै रहा उनकै लाश समदा के लगे मिला रहा। तीन गेदहरै बाटिन लक्ष्मी. शिवा, शुभम् बाटिन।
मया महराजगंज थाना कै सी. ओ. अजीत कुमार बताइन कि पोस्ट मार्टम रिपोर्ट मा मउत एक्सीडेंट से भै बाय। मृतका कै जेठ राम वृक्ष के तहरीर पै अज्ञात वाहन के ऊपर मुकदमा अपराध संख्या 279(गैर जिम्मेदाराना ढ़ग से खतरनाक ड्राइविंग करना) 304ए(गैर इरादतन हत्या) लाग बाय।