भाग शिवांकी भाग! मिलिए बाराबंकी की सूपर धावक से!

बाराबंकी जिले के पेचरुआ कै रहै वाली पन्द्रह साल कै शिवांकी अवस्थी के अन्दर दौड़ कै जूनून तबै तौ अगर वै रेस कराथिन तौ केहू कै नाय सुनतिन। अउर यहि बार तौ शिवांकी अपने जिला कै पहली धावक बनिके इतिहास रचि दिहिन।
शिवांकी कै कहब बाय की सबसे पहले जब हम स्कूल मा भाग लिहन तौ हमरे स्कूल कै कोच हमार बहुत मदद करिन। वकरे बाद मम्मी-पापा अउर बहन सब सपोट करिन। हम जात नाय रहेन लकिन इनके सबके सपोट से आज हम यहि मुकाम तक पहुँच गयन। अब नेशनल तक पहुँचे कै तैयारी करत हई अउर रेस मा ही बहुत आगे बढ़ै चाहीथी।
सुभाषचंद्र सिंह कोच कै कहब बाय की हर साल दुई तीन गेद्हरा खेलाथे पिछली साल भी शिवांकी चार सौ मीटर दौड़ मा सिल्वर मेडल जीती रहिन। इलाहबाद मा स्टेट लेबल से रैली भए रही वहू मा शिवांकी भाग लेहे रहिन। वहि 100 मीटर, 200 मीटर अउर 400 मीटर तीनो मा सिल्वर मेडल जीते रहिन।
अजय मिश्रा प्रधान प्रतिनिधि कै कहब बाय कि ई पहली बार अवसर आय बाय की हमरे गाँव कै बच्ची राष्ट्रीय लेबल पै दौड़ मा शामिल भए बाय। अउर हमरे जिला के ताई बहुत ही शौभाग्य कै बात बाय।

बाईलाइन-नसरीन बानों

Published on Oct 29, 2017