भाई भाभी के खिलाफ मुकदमा दर्ज

महतारी मायावती
महतारी मायावती

जिला फैजाबाद, ब्लाक तारुन, गांव बनकठवा। हिंआ 6 सितम्बर 2014 लगभग ग्यारह बजे दिन के भाई मोहन लाल अउर भाभी नीलम मिलके 19 साल के ननद ज्ञानमती का मारिन पीटिन अउर जलाय दिहिन। इलाज के समय जिला अस्तपताल मा मउत होइगै।
ज्ञानवती कै महतारी मायावती बताइन कि हम खेते गै रहेन। जब सूचना मिली आयन तौ बेटवा वतोह हमरे बिटिया का मारत रहे। जब छोड़ावै गयेन तौ हमहूं का मारिन। अउर हमरे बिटिया का दरवाजा बन्द कइके जलाय दिहिन। बहुत दिन से मारत रहे लकिन अबकी बार जान से मार दिहिन। बहन भानमती बताइन कि कभौ-कभौ बातचीत होय जात रही लकिन आज बहुत मारिन। तसला मा राखी भके रखे रहिन। भाभी हमरे दीदी से कहिन राखी उठाय लिया तौ ज्ञानमती कहिन कपड़ा सिलत हई। थोरिक देर मा फेंक दियब। बातै बात ता झगरा हुवय लाग। दुइनों जनें मारिन वकरे बाद घर बन्द कइके जलाय दिहिन। राखी फेंकहिन का रही चाहे भीग जात तौ काव होय जात लकिन भाभी हमार मारै लागिन।
गांव वाले बताइन कि छोटेन पै षादी करे रहिन। दुई चार माह मा विदाई करतिन। लकिन उनके भइया अकेले बेटवा रहे। घरमा केहू का समझत नाय रहे। उनकै बहिन रहिन लकिन आये दिन हमेषा मारत रहिन। वहि दिन राखी फेंकै की ताई झगरा करत रही।
एस.ओ. सनातन उपाध्याय बताइन कि आत्महत्या के ताई मजबूर करै कै धारा 306 लाग बाय। गिरफ्तारी कइके जेल भेजा गै बाय।