भर्कोरा गांव में रास्ते में ट्रैक्टर पलटने से तीन लड़कियों की मौके पर मौत , आठ की हालत गम्भीर

जिला चित्रकूट, ब्लाक कर्वी, गांव भरकोर्रा नवरात्र के दिन या महीना मा मड़ई अलग अलग मन्नत मानत हवैं। कत्तो मड़ई नौ दिन ब्रत रहत हवै, तो कत्तो जवारा बोवत हवैं।
कत्तो कत्तो मड़ई छोट छोट बिटियन के पूजा करत हवैं। अउर उनका कन्या ख़वावत हवैं। काहे से छोट छोट बिटियन का मड़ई देवी का रूप मानत हवैं।
यहै कारन भरकोर्रा गांव मा 50 बिटियन का ट्रैक्टर से कन्या खवावै लिये जात रहै। रास्ता मा ट्रैक्टर पलटे से तीन बिटियन के जान चली गे अउर आठ बिटियन के हालत खराब हवै।
शोभा देवी नाम के विटिया बताइस कि ट्रैक्टर मा बइठा के हमें कन्या खवावै खातिर लइ जात रहै। तबै ट्रैक्टर नदी मा गिर गा रहै। कइयौ बिटिया चिटिक के इंजन के नीचे पहुंच गई रहैं।
कइयौ बिटिया पानी मा गिर गई रहै।जेहिसे तीन बिटियन के जान चली गे हवैं। बहुतै ज्यादा बिटिया घायल होइगें हवैं।

रिपोर्टर- खबर लहरिया ब्यूरो 

08/10/2016 को प्रकाशित