बढ़ा डायरिया कै प्रकोप

अम्बेडकरनगर अउर फैजाबाद मा तेज गर्मी परै से अउर पानी कै कमी हुवय से अउर गन्दगी हुवय से गांव -गांव व नगर मा डायरिया रोग लड़िकन के साथ साथ मनइन का भी झटका मा लिये बाय। समय के साथ साथ डायरिया कै प्रकोप बढ़त जात बाय। डायरिया से एक परिवार मा दुई बच्चा सहित जीन मनइन कै तबीयत बिगड़गै। अस्पताल मा भर्ती करावै के बावजूद हालत गम्भीर बाय।
अकबरपुर तहसील क्षेत्र के लालापुर शुक्लहिया कै रहै वाला सच्चिदानन्द शुक्ला पुत्र लक्ष्मी नारायण बताइन कि हमार कइव बार उल्टी अउर दस्त से तबीयत बिगड़गै। गम्भीर अवस्था मा परिवारीजन द्वारा जिला अस्पताल मा भर्ती करावागै। यही तहसील क्षेत्र मा रहै वाले अरियावां कै नीरज कुमार पुत्र मनीष पुत्री मानवी कै अचानक 7 जून का तबीयत बिगड़ी । दुइनौ जने का अस्पताल मा भर्ती करावागै। लकिन एक हप्ता बादौ आज तक दवाई नाय भै। डाक्टरन कै कहब बाय कि डायरिया अक्सर गन्दा पानी पियै से बासी खाना खाय से गन्दगी से बच्चन मा हुआथै। समय से इलाज न हुवय से मौत कै कारण भी बनि जाथै। डायरिया हुवय कै लक्षण बार बार पतला दस्त हुआथै। उल्टी हुआथै। पेट मा एठन हुआथै। एकै प्राथमिक इलाज ठण्ड से बचै खातिर शरीर मा पानी कै कमी न हुवय से नमक पानी कै घोल बनायके थोड़ा थोड़ा समय पै पियै का चाही। साथे मा डाक्टरी इलाज जरुर करावैं।