ब्लाक कै करिन घेराव

luck 3kasba

जिला फैजाबाद, ब्लाक मया। हिंआ 13 मार्च 2013 का करीब दसन ग्राम पंचायत कै ढाई सौ मनई बी.डी.आ.े के वादा न पूरा करै से करिन ब्लाक कै घेराव।
रामलली, पूनम, निर्मला बताइन कि 9 फरवरी 2013 का जब मांग कीन गै रहा। तौ बी.डी.ओ. दस पंचायत मा नाली, खड़ण्जा पेंशन, बी.पी.एल. कार्ड अउर आवास, हैण्डपम्प पै जांच कइके सुविधा दियै कै बात करे रहिन। लकिन एक महीना से ज्यादा होय जात बाय कउनौ काम नाय हुअत बाय।
मीडिया प्रभारी रमेश पाण्डेय, प्रभावती रंजीत बताइन कि बी.डी.ओ. जब तक आय के गांव के विकास के बारे मा न बतइहैं तौ हम सब हिंया से न जाब। अउर पांच बजे शाम तक रहिन लकिन बी.डी.ओ. आइन नाय। यह बात से मनई बहुत गुस्साए गइन तौ 15 मार्च 2013 सबेरे ग्यारह बजे से ब्लाक के सामने करिन रोड जाम। तीन बजे के लगभग धरना का समाप्त करिन अउर गांव की मांग का पूरा करै खातिर एस.डी.एम. रामसहाय यादव बताइन कि अब गांव मा पहले मीटिंग होये अउर आवै वाली सुविधा कै चयन होये तबै काम होये। जेहमा गांव के लोग सिकरेटरी, प्रधान, बी.डी.ओ., एस.डी.एम. सब शामिल रहिहंै।