बेसिक शिक्षा अधिकारी खतम कराइन धरना

20141211_120524जिला चित्रकूट, ब्लाक कर्वी, पटेल चैराहा। हिंया साक्षर भारत मिशन योजना के तहत चयनित कर्मचारी 10 अउर 11 दिसंबर का धरना प्रदर्शन करिन। बेसिक शिक्षा अधिकारी वीरेन्द्र सिंह कारवाही का भरोसा दइके धरना प्रदर्शन खतम करा दिहिन।
आदर्श प्रेरक वेल फेयर एशोशिएशन इकाई के अध्यक्ष संजुला पाण्डेय कहिन कि या इकाई मा जिला समन्वयक, ब्लाक समन्वयक अउर प्रेरक शामिल हवैं। इं सबै लगभग तीन सौ कर्मचारी मिल के वेतन न मिलैं, प्राथमिक विद्यालय से प्रेरक के केन्द्र अलग करैं जइसे मामलन का निपटावैं खातिर धरना प्रदर्शन करिन। साथै जिला लोक शिक्षा समिति कार्यालय मा बिजली बिल का भुगतान न करैं से कनेक्शन अउर इण्टरनेट जोडै के मांग करिन हवैं। इनतान से नौ मांगै शामिल रहैं।
बेसिक शिक्षा अधिकारी वीरेन्द्र सिंह कहिन कि उनके मांग के ज्ञापन का लखनऊ भेजा जई। हुंवा से कारवाही होई।