बेबी का अस्पताल मा सुविधा मिली

3जिला चित्रकूट, ब्लाक मानिकपुर, गांव सरहट, पुरवा पटा। हिंया के बेबी 16 दिसंबर 2014 का नसबंदी करावैं मानिकपुर सामुदायिक स्वास्थ्य केन्द्र गे रहै। हुंवा वहिके गलत नस कट गे। वहिके बहुतै ज्यादा खून जाये लाग अउर बेहोश होइगे मउके मा सी.एम.ओ. अधीक्षक प्रतीक कुमार पहुंचे तौ वहिका जिला अस्पताल मा भर्ती कीन गा।
बेबी के मनसवा सोमनाथ का कहब हवै कि कैम्प के डाक्टर बेबी के नसबंदी करत रहैं। नसबंदी मा वहिके गलत नस कट गे अउर वहिके तबियत ज्यादा बिगड़ गे डाक्टर छोड़ के भाग गें। मड़ई हल्ला करिन। हल्ला सुनके सी.एम.ओ. मानिकपुर स्वास्थ्य केन्द्र के अधीक्षक प्रतीक कुमार आ गें। उंई बेबी का कर्वी जिला अस्पताल मा भर्ती कराइन।
सी.एम.ओ. डाक्टर वेद प्रकाश का कहब हवै कि वहिका इलाज सेंत मा कीन जई अउर पूर सुविधा मिली। परेशान होय के कउनौ बात नहीं आय।