बी.पी.एल. सूची काट दये नाम

05-08-15 Mahoba Panwadi - Rurikela Kotedaarजिला महोबा, ब्लाक पनवाड़ी, गांव रूरीकला। एते के आदमियन को आरोप हे कि कोटेदार अपनी पहचान के आदमियन के नाम लाल ओर सफेद राशन कार्ड बना दये हे, जभे कि हमाये पेहले से लाल ओर सफेद राशन कार्ड बने हते। हमाये पीले राशन कार्ड भी नई बने हे। एई से हमने कुलपहाड़ तहसील में दरखास दई हे।

मिन्टू, नन्दकिशोर, गनपत, शंकर, देशराज ओर पंचा बताउत हे कि हम गरीब ओर दलित जाति के मजदूर आदमी हे। गांव में पेहले सात सौ राशन कार्ड बने हते, जोन ई साल नये राशन कार्ड पांच सौ बनके आये हे। ब्रजगोपाल, बिन्दा रघुबीर ओर उत्तम कोआरोप हे कि पेहले हमाये सबके लाल ओर सफेद राशन कार्ड बने हते। कोटेदार ने गांव के आदमियन से रुपइया लेके हमाये नाम काट दये हे। जीखे पक्के मकान, जमीन ओर मोटर साइकिल हे ऊखे राशन कार्ड बना दये हे। कालका, लीलाधर ओर भानप्रताप कहत हे कि हमाये तो पीले राशन भी नई बनाये की कम से कम दो लीटर मिट्टी को तेल तो मिल सके। कोनऊ काम में राशन कार्ड लगा सकन

कोटेदार ज्वाला प्रसाद कहत हे कि मेने लिस्ट बना के जिला पूर्ति में भेज दई हती। ओतई से राशन कार्ड बन के नई आये हे। मेने दुबारा से मांग करी हे।

वी.के. महान बताउत हे कि हमाये एते से पांच सौ राशन कार्ड को समान वितरण के लाने भेजो जात हतो, उत्ते राशन कार्ड भेज दये हे। बाकी जांच कर बताओ जेहे।