बीस साल से अंधियारे मा डूबा मजरा

20जिला चित्रकूट, ब्लाक मऊ, गांव डोडि़यामाफी, मजरा कालोनी। या मजरा मा लगभग बीस बरस से बिजली नहीं लाग हवै। यहिसे लगभग दुइ सौ मड़ई अंधियारे मा रहैं का मजबूर हवैं।
मजरा के ननकू अउर रामधनी का कहब हवै कि बिजली न होय से मोबाइल चार्ज करवावैं बरगढ़ जाये का परत हवै। यहिसे आवैं जाये मा समय बर्बाद होत हवै। अगर लड़का बिटियन के शादी करित हन तौ किराये का जनरेटर मंगावै का परत हवै। या फेर दुसरे पुरवा के मड़इन से बिजली का कनेक्यान लें का परत हवै। दूसर बात बिजली न रहैं के कारन बच्चन के पढ़ाई मा भी असर परत हवै। अगर हमरे पुरवा मा बिजली लाग जाये तौ हमार समस्या खतम होइ सकत हवैं। यहिसे बिजली लगवावैं खातिर मऊ बिजली विभाग मा 20 अप्रैल का कहा गा रहै,पै अबै तक बिजली नहीं लाग हवै।
मऊ बिजली विभाग के लाइन मैन टीपू खान का कहब हवै कि जउन गांव मा बिजली नहीं लाग हवै। उंई गांव मा तीन महीना बाद बिजली लाग जई।

रिपोर्टर – सुनीता देवी