बिना जाली के धरो के ट्रान्सफारमर

DSCN1835जिला महोबा, ब्लाक चरखारी, कस्बा चरखारी। एते पचराहा से वी वार्क मोहल्ला जाये वाले रास्ता में बिना जाली को ट्रान्सफारमर धरो हे। जीसे ओते के आदमी जाली लगवाये खे मांग करत हें।
मोहम्मद ओर रहमान बताउत हें कि जा ट्रान्सफारमर जभे से हमने देखो तभे से बिना जाली को धरो हे। जीमे कभऊं भी कोनऊ घटना हो सकत हे। हमाये एते के छोट-छोट बच्चा दिन भर खेलत हें। जीखा ट्रान्सफारमर के कारन दिन भर रखायंे खा परत हे। अब गर्मी आ गई हे तो दोपहर में आखी लाग जात हे। बच्चन खा मना करो तो मानत नइयां। डर बनो रहत हे कि कहूं ट्रान्सफारमर के एते न पोंहच जाये, ओर कोनऊ घटना न घट जाय। एई से लागत हे कि ई ट्रान्सफारमर में जाली लग जाय तो नींक हो जाय, पे बिजली विभगा वाले कोनऊ ध्यान नई देत आय।
चरखारी बिजली विभाग के जेई प्रवीण कुमार ने बताओ कि ऊ ट्रान्सफारमर पेहले से ही बिना जाली के धरो हतो। अगर ओते के आदमियन खा कोनऊ परेशानी आउत हे तो महोबा बिजली विभाग में लिख के दरखास देय। अगर ओते से प्रस्ताव पास हो के आ जेहे तो ट्रान्सफारमर में जाली लगवा दई जेहे। जीसे आदमियन खा ट्रान्सफारमर से करन्ट लागे खा डर खतम हो जेहे।