बिना गलती के भेलइ अपमान

DSC03954
हंगामा करइत महिला

जिला सीतामढ़ी, प्रखण्ड बथनाहा के एकीसो पंचायत के लोग सब के 29 अक्टुबर 2013 के लगभग दु सौ लोग जाति अवासीये बनावे आयल रहथिन। महिला सब के साथ रामपुर इनरवा के प्रखण्ड में रहेवाला बिचैलिया मंगल राय शराब पीके उनका सब के साथ दुर व्यवहार कलथिन।
प्रखण्ड में अयल महिला गुलाब देवी, दुलारी देवी, बलकेशिया देवी, सब कहलथिन कि हमरा सब के बहुत बुरा बुरा गाली देलक। अब सोच सकई छी कि शिक्षित लोग एई ढ़ग से बात करइछई त मुर्ख लोग के कि हाल होतई। लेकिन जइसन बहु बेटी अपन ओइसने दोसरो के समझे के चाहि राधिका देवी कहलथिन कि हमरा उपर मारेला लात उठयले रहलक। तब तक लोग मिल के ओकरा थाना में पकरवा देली।
थाना प्रभारी नाफिज अहमद कहलथिन कि ओकरा हम पकर के जेल भेज देली ह अउर सब महिला से लिखित आवेदन मगंली त न देलथिन तब ओकरा उपर तीन सौ चैरानवे लुट के केश आरोप पहिले से रहलई, ओई केश के चालु कर के डुमरा जेल भेज देली। अब कोट फैसला करतई कि ओकरा केते दिन के सजा होतई।